Apartamenti 0134

110,000 €

Apartament 3+1 me hapësirë të madhe e të mirësistemuar në një sipërfaqe prej 156.8 m2, i përshtatshëm për një familje të madhe. Është ambienti i posaçëm për atë që kërkon nga banesa e tij mundësi të shumëanëshme aktivitetesh çlodhëse individuale apo shoqërore.

Skema e veçantë e organizimit të këtij apartamenti mundëson lirshmëri në personalizimin e ambienteve të tij sipas preferencave të banuesit. Orientimi i veçantë krijon kushtet optimale klimatike të banimit nëpërmjet ndërthurjes së ndriçimit të këndshëm ambiental të jug-lindjes me ngrohtësinë e atij të veri-perëndimit.

Apartamenti është i ndarë në dy ambiente me hapësirë të mjaftueshme për secilin. Në zonën hyrëse të ambientit të ditës hapësira e madhe dhe e mirësistemuar mundëson krijimin e një këndi ndejtje mjaft çlodhës si dhe një ambienti ngrënie mjaft të këndshëm. Nëpërmjet llozhës dhe dritareve të mëdha, dhoma e ditës merr ngrohtësi gjatë gjithë kohës duke ofruar njëkohësisht sfondin e hareshëm të fasadave shumëngjyrëshe me peizazhin piktoresk të kopshteve dhe shesheve.

Zona e natës, e ndarë nga ajo e ditës, siguron intimitetin e duhur për një ambient çlodhës. Falë orientimit të saj nga veri-lindja por dhe jugu, dhomat e gjumit janë të mirëajrosura dhe kanë ndriçim të këndshëm ambiental gjatë gjithë ditës. Krahas tualetit kryesor vendosur në hyrje të apartamentit, ka dhe një tualet tjetër me dritare, komunikues me dhomën e gjumit matrimoniale duke krijuar rrethana lehtësuese për bashkëjetesën në familje.

Njësi: 
Apartament 3+1
Shkalla: 
1
Kati: 
3
Orientimi: 
Veri
Jug
Lindje
Perëndim
Sip.: 
156.8m 2

Kërko njësinë tënde!

X

Çmime

Apartamente duke filluar nga:
700 Euro/m2

Dyqane:
1150 Euro/m2

Parkime:
500 Euro/m2