Përforcim tabani

Përforcimi dhe zëvendësimi i shtresave të dheut nën themele: Duke qënë se sheshi ka pjerrtësi, tabani i themelit në truall haset me jo të njëjtat kushte fizike, diku arrin edhe mbi sipërfaqen natyrore. Si rast i përgjithshëm, në të gjitha themelet, para hedhjes së shtresës së varfër, vendoset një shtresë material i shkrifët, i rruluar në jo më pak se 20 cm. Në bashkëpunim me inxhinierin gjeoteknik realizohet zgjedhja e materialit dhe përcaktimi i parametrave pas ngjeshjes. Meqënëse themelet janë me disnivele dhe lëvizja e ujit nëntokësor mund të shkaktojë sufozion, duhet që shtresave të shkrifta t’u paraprijë një shtresë pëlhure gjeoteknike, që shërben si pengesë për këtë fenomen.